Fflecs O' Adra

Penwythnos Cork

2007-01-15T14:25:00.000Z

Fues draw i Cork am wicend, gan bo fi i ffwrdd o gwaith am chydig ddyddiau a meddwl swn i yn trio rwla gwahanol i Galway i fynd allan. Cychwynais amser cinio dydd Gwenar trwy drefi bychain sir Galway gan gynnwys tref Gort sydd yn rhyfeddol o le oherwydd tref fach ydi hi ond mae na tua 800(ella mwy) o Brasiliaid yn byw yno a mae rhanfwyaf ohonynyt yn gweithio mewn ffatri cyfagos. Mae'n rhyfadd gweld gymaint ohonyn nhw mewn un lle. Mae hyd yn oed un neu ddau siop Brasiliaidd yno hefyd.

Mi gymerodd y siwrna tua pedair awr a hanner ond efo llyfr i ddarllen a CD's i wrando doedd o ddim rhy ddrwg, dim byd oi gymharu a'r Trawscrwban efo stincar o hangofyr. Fuodd y bws trwy maes awyr Shannon hefyd am rhyw rheswm!!.

Rol cyrraedd yr hostel, es lawr i weld be oedd gan y lle i gynnig. Nifer o dafarndai da yno, mewn un gyda canu traddodiadol nes i gyfarfod a grwp o 9 au pair o'r Almaen a Awstria, doeddan nhw ddim i weld y gora o ffrindiau chwaith yr au pairs Almaeneg isio mynd ona i rwla arall a'r au pairs o Awstria isio aros. Chydig mwy o dafarndai a wedyn clwb, oedd yn lle yn orlawn.

Bach o gerddad rownd dydd Sadwrn, draw i'r bwcis(Fuodd bron mi guro pres mawr ar accumulator 20 ewro, Chelsea, Man U, Sunderland wedi curo yn hawdd ond bwcin Gretna yn chwalu pethau gan gael gem gyfartal). Ges i fwyd neis iawn yn pnawn Beef efo'r trimmings i gyd, ond aeth larwm tan y lle i ffwrdd a ambiwlans i nol rhyw ddyn oedd wedi daro yn wael, cradur.

Allan nos Sadwrn wedyn a mewn tafarn hen ffasiwn traddodiadol o'r enw Sine nes i gyfarfod a genod o Galway fues yn gweld ty nhw rhyw 4 mis yn ol, rom bach o sioc a deud y lleiaf, roedd un o ohonynyt o Cork felly dyma ddilyn nhw am noson. Es draw i'r Crane Bar, An Brog a Hib bar(Mae fama yn enwog nol un o'r genod cos os dydi'r boi hen ddim yn licio dy olwg di gei di ddim yfad yno, ma ateb ffon symudol yn drosedd difrifol ac un tro(yn ol y son) mi gafodd boi oedd efo annwyd hel ona oherwydd ei fod yn yfad wisgi poeth yn rhy araf).

Deffro bora Sul, a nol am Galway swn i yn cynghori ymweliad i Cork i unrhywun a peryg fydd rhaid mynd yno eto.

Blwyddyn Newydd dda(Hwyr)

2007-01-06T13:44:00.000Z

Su mai, meddwl swn i yn sgwennu rhyw bwt bach gan bo fi yma rwan. On i wedi meddwl peidio cario mlaen efo blog ond o siarad a pobol dros dolig a cael sioc faint oedd yn ei ddarllen mae'n siwr nai gario ymlaen. Helo i pawb sydd yn darllan(Ma rhaid bo chi yn bord!). Helo i gymeriad meddw o Ceidio sydd yn deud fod y blog yn "boring" fud!!!

Braf bod nol adra am Dolig, gweld pawb eto a ballu, neb wedi newid dim braf cael deud. Wrth fynd nol am Werddon, mi gefais i a fy mrawd stop gan y glas oedd yn neud rhyw 'random check' yng Nghaergybi(O bosib ar ol y sioe Macintyre yna efo pa mor hawdd oedd hi i derrorists fynd drwadd). Beth bynnag "Where are you travelling to?" medda rhyw Gymro yn ei Saesneg gora, "Airlynd" medda fi. Edrychodd arna fi fatha bo fi yn cymryd y piss, isio gwybod i lle yn union oedd y coppar, wps!!.(Dwi gwbod fod Brunstrom yn foi am y blogs, ella fedrith o ddatrys pam bod hi yn cymryd 5 boi i arestio rhywun sydd yn piso congol stryd, ond neith ddim un ohonyn nhw allan o'r panda os bydd gang o bobol yn cicio rhywun ar lawr yn ganol Caernarfon?)

Wedyn y siwrna cwch lle oedd na lot fawr iawn o bobol yn sal oherwydd y tywydd stormus. Rhyw Geordie meddw ar bws o'r fferi i ganol Dulyn yn bygwth rhyw hen ddynas diniwed fysa fo yn gallu trefnu 'hit' arni mewn dau funud!!!. Galway yn hollol llawn dros flwyddyn newydd, awyrgylch gwych a dipyn o hwyl.

Nol yn gwaith wythnos diweddaf hollol bananas o brysur, pawb isio bwcio yswiriant i drafeilio ar ei gwyliau. Diwrnodiau yn fflio mynd. Gwerthais 17 ar dydd Iau, a rhai i bobol o Gymru fud.

Ar y ffons

2006-12-09T13:33:00.000Z

Su mai, wedi dechrau job newydd ers wythnos bellach, dan dolig am dair wythnos dwi mewn hyforddiant ar werthu yswiriant trafeilio, i 4 cwmni gwahanol adnabyddus o fewn un grwp. Mae o yn fwy diddorol nag yr oeddwn yn feddwl y fysa fo, oherwydd gwahanol risgs sydd mewn gwahanol wledydd a'r polisiau gwahanol sydd ar gael fel yswirio clybiau golff a chwaraeon gaeaf neu briodasau. Mae na hefyd bedwar lefel o gomisiwn ar gyfer y gwahanol gwmniau. Felly er fod y cyflog dechreuol yn reit sylfaenol mae modd cael comisiwn bach da ar ddiwedd y mis yn dibynnu ar faint o polisiau dwi yn ei werthu.

Mae hi yn teimlo fel Dolig yma rwan, band pres yn chwarae a'r ddinas yn llawn o bobol yn gwario fel ffyliaid. Gin i ffansi sbydu bach o pres ar ol cael cyflog hefyd.Newydd fod yn Paddy Power(Sydd yn orlawn bob diwrnod) yn hel fy enillion ar ol i Wrecsam guro Scunthorpe dydd Sadwrn diweddaf. Collais allan ar accumulator saith tim o drwch blewyn , ond pan welais Wrecsam yn 13-2 dydd Sadwrn diweddaf, fe rhoddais ychydig ewro arnynt oherwydd ei 'Cup Pedigree' anhygoel. Deud gwir well mi checkio BBC Sport sgin i ddim syniad pwy mae nhw chwarae yn rownd 3!!

Ta Ta Tachwedd

2006-11-29T15:29:00.000Z

Meddwl swn i rhoi rhyw chydig o niws ar fama, fawr o ddim byd di digwydd yn y pythefnos diweddaf. Wedi bod rhwng dwy swydd, felly fawr i adrodd. Dechrau diflasu ar sbio ripits o Eastenders(Dwim hyd yn oed yn licio Eastenders ond fawr o ddewis efo dim ond RTE1 a RTE2 ar y bocs). Hefyd mae wedi bod yn bwrw bob un diwrnod yn Tachwedd, a weithiau prin fyddai gweld golau dydd. Diolch i Dduw fod Mam di gyrru Llanw Llyn i fi gael dal fyny efo digwyddiadau Pen Llyn. Rhaid mi ddeud teimlo chydig o hiraeth wrth ddarllen drwyddo. hyd yn oed wedi meddwl crafu fy mhen efo croesair Alun Llen Llyn.

Ges i ddipyn o sesh nos Sadwrn diweddaf, dechrau yn sbio gem Lerpwl a Man City yna gem rygbi Cymru a Seland Newydd(Syniad cracpot pwy oedd gwrthod iddyn nhw neud yr haka, fel bod isio rheswm arnyn nhw rhoi cweir i Gymru). Tim di newid dipyn ers dyddiau Mehertens a Lomu!!. Yfad tan 6 bora Sul fu'r hanes a cryn salwch dydd Sul.

Ma nhw wedi rhoi goleuadau dolig a ballu fyny yn Galway ma a rhaid dweud fod nhw yn edrych yn dda. Decharu gwaith newydd dydd Llun nesaf, gorfod arfer deffro yn fuan eto fydd rhaid!!

O.N Rhyfadd be sydd ar yr hen internet ma fud - Llanast bois Pen Llyn yn Steddfod Abertawe(Methu rhoi linc, gerwch i youtube a rhoi Cymraeg i fewn ar search)

Diweddariad Bach

2006-11-16T14:14:00.000Z

Meddwl swni rhoi rhyw updet bach o bethau ar hyn o bryd. Dwi di gadael byd gwallgof y gwerthu drws i ddrws. Rhaid mi ddeud profiad bythgofiadwy o fyd hollol wahanol, ond dim yn fyd swni yn gallu setlo ynddo fo. Y brif problem oedd yr oriau tua 60 awr yr wythnos o 11 yn bora tan 11 yn nos, doedd y gwerthu ei hun ddim tan rhwng yr oriau 3 a 9 pan oedd pawb yn debygol o fod adra. Ges i brofiad swreal o feddwl be ma boi o Ben Llyn yn ei wneud yn trio gwerthu cwmni ffon yn ganol Iwerddon i foi o'r Aifft!!. Bob diwrnod y targed byddai gael 5 gwerthiant, ar gyfartaledd roeddwn yn cnocio ar 75-80 o ddrysau, tua hanner ddim adra, tua 30 yn gwrthod yn syth, 6-7 yn meddwl amedano ond yn penderfynu peidio ac ambell un(un neu ddau) yn penderfynu arwyddo i fyny. Wrth gwrs roedd rhai eraill oedd wedi bod yno am fisoedd yn cael ychydig mwy o lwyddinat ond roedda nhw yn siarad mor gyflym ac yn nodio(os dachi cael 6 nod yn ol mae o fod yn garantid gwerthiant) fel bod bobol bron wedi ei hypnoteiddio i arwyddo beth bynnag oedd o ei blaenau. Profiad gwerthfawr a storis di-ri ond ddim yn yrfa dwi isio setlo i fewn iddo.

Ma chwilio am swydd canol Tachwedd reit anodd, ond ella gynnai cwpwl o bethau ar y gweill gawn ni weld.

Tric or Trit

2006-11-02T14:26:00.000Z

No lew, wythnos brysur arall, dwi wedi rhoi gorau i'r job bar a wedi dechrau gwaith marchnata hunan gyflogedig. Dwi am rhoi go iddi am rhyw fis ddau, mae'r oriau yn reit hir 11 yn bora tan 10:30-11 yn nos, ond mae;n gyfle da i drafeilio y wlad. Ar fy niwrnod cyntaf mi fues yn Atholne yn ganol Iwerddon yn ar 'observation' sef cnocio drysau efo rhywun oedd mond wedi gwneud y swydd ers 2 fis ond yn barod yn arweinydd sydd yn golygu bod hi yn gwneud arian ei hun a fod y cwmni yn rhoi 50% allan oi boced ei hunain ar be bynnag oedd pwy bynnag oedd hi yn hyforddi yn ei wneud, a gan bod hi yn Halloween(Sydd yn ddathliad mor fawr yn Werddon na ydi o yn America ges i ambell i fferis). Mae'r boss ar hyn o bryd wedi bod yn y swydd am flwyddyn, arfer bod yn fechanic a mae o di safio digon yn barod i agor swyddfa ei hun a hyforddi pobol eraill yn y maes.

Dwi gwbod fod y set-up yn swnio braidd yn dodji efo oriau hir a dim llawer o arain ar y dechrau, ond mi fyddai yn gwybod digon buan os fedrai wneud neu peidio. Ddoe oedd diwrnod cyntaf a mi ges i 'sale' er nad oedd disgwyl i mi gael ar fy niwrnod cyntaf. Os dim arall fydd o yn brofiad.

Dwim yn meddwl fedrai ychwanegu at y blog mor amal chwaith gawn ni weld.

Penwythnos gnau

2006-10-29T13:35:00.000Z

Yr hen awr ma di pwitcho pethau fyny do!!!!. Mae hon di bod ynbenwythnos hollol wallgof hyd yma, i ddechrau mai yn ddiawledig o brysur yma, mae hi yn Wyl y banc yn Iwerddon a mae na lawer di dod yma i fwynhau, hefyd roedd na 34,000 yn edrych ar gem Iwerddon a Awstralia yn y gem GAA yn erbyn Aussie Rules. Gan fy mod yn gweithio nos Iau, Sadwrn, Sul a nos Lun, es i allan nos Wenar. Fedrai ddim cael noson dawel ddim mwy, gafon ni 140 ewro gwerth o 'take-out' o'r dafarn a nol i ty hogan o gwaith am barti, sgin i ddal ddim syniad lle oedd y lle, unig beth dwi cofio ydi mwydro efo hogan scowsar a boi du a boi Jyrman ma yn dod lawr grisiau i ddeud wrth pawb fod ddistaw. Yna fues dan 6, codi pnawn Sadwrn efo hangofyr gwaethaf diw di cael ers tro a finna gorfod gweithio mewn chydig oriau.

Es i'r gwaith am naw a mi oedd hi yn hollol boncyrs o llawn yn syth ar ol gem orffen tan hanner awr wedi 2. Deud gwir roedd hi yn beryglus o llawn, mi roedd gwydrau yn chwalu ymhob cornel mi ddisgynodd ddau foi ar ben un bwrdd gan chwalu gwydrau i bob man gan cynnwys yn ddyfn i fewn i fy llaw. Yna fuodd pawb yn glanhau fyny tan chwech yn bora, dim ond Red Bull oedd yn gadw i fynd tan gysgu/llewygu ar y llawr. I rhoi chydig o syniad faint mor llawn oedd hi, mi aethon ni drwy 25 potal 2 litr o Vodka a rhedeg allan o boteli Bulmers a roedd 700 ar ddechrau noson. Mi wnaeth y lle rhwng 20,000 a 25,000 ewro neithiwr ond tasa na ddeg ychwanegol arall yn gweithio mi fuasai dal ddim digon. Heb weld noson tebyg a gobeithio nai ddim eto chwaith.

Dwi off i prynnu papur i checkio sgors pel-droed ddoe, well bod Wrecsam heb golli eto!!

Gwaith Dydd

2006-10-25T10:20:00.000Z

Wythnos weddol call dwi di gall wythnos yma, amser i setlo lawr a gwneud synhwyr o'r gwallgofrwydd. Wedi bod yn edrych am swydd yn ystod y dydd, ges i gyfweliad ddoe. Wrth gychwyn allan am y cyfweliad roedd hi reit cymylog, piti braidd gan mai wedi bod yn rhyfeddol o braf yma yn ddiweddar. Dechreuodd fwrw glaw man felly i basio amser es i i'r arced siopa dan do, gwelais dorf wedi ymgynull tu fewn wrth ymyl y drws dihangfa, roedd hi fatha 'monsoon' tu-allan, yn swyddogol y glaw trymaf dwi rioed di weld a finna isio mynd o waelod y sgwar i'r top. Doedd dim amdani ond rhedeg am y lle, am cyfnod doeddwn yn gweld dim, cyrhaeddais mewn dim o amser ond yn socian(Ddim yr edrychiad gorau ar gyfer cyfweliad).

Aeth y cyfweliad yn iawn, rhyw gwmni marchnata oedd o, roedd y rheolwr wedi ei blesio bo fi wedi defnyddio geiriau Saesneg jargon mawr fatha 'stagnation' a 'career advancement prospects'. Fuo bron i fy ngheg hitio'r llawr pan soniodd am y cynhadledd un bora blynyddol sydd yn golygu pedwar diwrnod yn un ai Sbaen. Portiwgal neu Groeg wedi ei dalu amdano yn gyfangwbl!!. Gai wbod os gefais y swydd yn fuan mae'n debyg.

Mond dau hanner dwi di cael Jean

2006-10-20T13:12:00.000Z

Su mae nhw? Gan fod na rhai wedi bod yn holi am y lock-in ges i nos Lun, nai son ychydig am hynny. Nes i ddechrau'r noson efo botal neu ddwy o Mixed Fruit Koppaberg mae'r stwff yna yn gnau. Dwi di gweld ambell un yn cysgu yn sownd yn y dafarn ar ol pedair/pump. Mi roedd hi yn parti dathlu 8 mlynadd o glwb nos Cuba a mi oedd y lle yn orlawn ar nos Lun, chydig o peintiau yn fama a shots o Jagermeister a Lucozade(cymysgfa neis). Beth bynnag oedd y lle yn hwylio am gau tua hanner awr wedi dau, a nath boss y lle ddeud wrth rhyw gang bach ohonom fynd fyny grisiau am chydig..a dyna ddechrau y lock in, fues i yno tan 8 yn yfad a mwydro. Fel mae rhywun yn ei wneud yn ei ddiod nes i gaddo llawer o bethau fel mynd i chwarae ffwtbol diwrnod wedyn a gyrru CD Demo o ganeuon i fewn i'r clwb er mwyn i mi cael spin ar DJio. Stymblo adra rhywsut a haul allan, teimlad rhyfadd ond ddim yn un newydd!!. Roedd dydd Mawrth yn 'write-off' hollol, methu gwneud dim. Es i brynnu aerail teledu dydd Mercher oherwydd heb gael NTL i fewn, ond mae RTE1 a RTE2 braidd yn hen ffasiwn a deud y lleiaf, o leiaf ges i weld Simpsons(un newydd hefyd)

Gwaith heno a rhun hen drefn fydd hi, ganeuon chart shait hyd syrffed(Er mae ambell i glasur yn cael i chwarae weithiau, bobol di-dast, di-ddychymyg sydd yn gofyn am y stwff sal pop) a pobol meddw uchel ei cloch yn cnocio gwydrau ar lawr heb feddwl dwy waith. Mae hi yn uffar o olygfa am hanner di dau yn bora yn gweld 500 o hics meddw yn trio canu 'Bohemian Rhapsody' gan Queen.

Cofiwch adael eich sylwadau(glan, dwi gwbod pwy ydach chi) a cwestiynau a unrhyw storis o'r fro cw!!

Gweld bora

2006-10-16T10:34:00.000Z

Dyma tro cyntaf i fi weld bora ers bron i bythefnos, felly penderfynais sgwennu rhyw pwt. Nos Wenar pan oeddwn yn gweithio daeth timau rygbi Dreigiau Gwent a tim lleol Connacht i fewn am chydig o 'light ales'. Mi oeddan nhw i gyd fel cewri o gymharu ar cwsmeriad arferol a hyd yn oed yn gwneud y bownsars edrych yn fach. Dwim yn dilyn rygbi llawer felly ni adnabyddais fawr o neb heblaw am Colin Charvis, ges i sgwrs bach efo un o'r staff oedd efo nhw a roedd o yn cofio ymweliad Pwllheli a Casnewydd yng ngwpan Swalec nol yn Rhagfyr 1997, dyna chi be oedd sesh a hannar!!

Mae'n debyg bo fi am allan heno hefyd. Nos Lun ydi hi ond mi fydd yna dros 1,200 yn clwb nos CP dros 1,000 yn y GPO am glwb nos Cuba dwi am fynd parti penblwydd 8 oed y lle a dwi ar y rhestr gwadd a gyda siawns bach o lock in hefyd. 'Deadly' fel mae nhw ddeud yn fama am rhywbeth da.

Bach o ddarllen

2006-10-13T14:20:00.000Z

I'r ofergoelus mae heddiw yn ddiwrnod pwysig, un peth sydd yn saff mi fydd hi yn orlawn yn y gwaith heno, a sgin i fawr o fynadd oherwydd annwyd. Wedi bod yn brysur wythnos yma yn chwilio am ail swydd, wedi gyrru ffwrdd am rhywfaint o swyddi marchnata, aros i weld be ddaw yn ol.

Dwi heb weld teledu ers pythefnos, sgin i ddim syniad be sydd yn digwydd yn y byd, erbyn i fi fod ar hotmail a blogger sgin i ddim amser i checkio newyddion ar lein. Dwi gwbod fod North Korea wedi lansio nuke a fod Paul Hunter y chwaraewr snwcer wedi marw a dyna fo, dwi hyd yn oed yn golli gafael ar y sgors pel-droed(Mae na siawns i Mwsh guro fi yn cwis nesa!!!). Ma papurau newydd Iwerddon yn andros o Geidwadol a Phrydeinig pethau fel yr Irish Independent yn anghredadwy weithiau.

Dwi ar ganol darllen hunagofiant Jeff Winter y ref ar hyn o bryd, llyfr da rhaid dweud. Wrth bori drwy'r 'Galway Independent' ddoe(nath ymddangos ar silff ffenast ar ol fi agor hi am ddeg munud!!??) gefais sioc o weld llun Ffion Dafis ar y tudalen Wyddeleg, yn ol yr erthygl mae hi yn perfformio y ddrama 'Branwen' yn theatr Galway ar 23 a 24 o Hydref. Dwnim os oes ticedi ar ol, ond os oes na rhywun yn darllen hwn sydd yn gwybod am y cynyrchiad oes modd cael ticad am ddim/pris gostynedig i Gymro diwylledig tlawd yn y fargen nai brynnu chydig o beints neu nai goginio brecwast/cinio i'r criw?

Clwb y Tylluanod

2006-10-09T13:35:00.000Z

Dwi di dechrau troi yn dylluan go iawn efo'r nosweithiau hir o weithio. Fuodd hi yn benwythnos gwallgof yn gwaith roedd nos Iau a nos Sul yn weddol ddistaw, cyfle i ddewis caneuon i chwarae gan y DJ, mi aeth rom bach o Smiths - This Charming Man lawr yn gret neithiwr. Dim ond bag o CD's a pwyso botwm bob tri munud am ei gyflog, neis!!

Nos Wenar yn hollol llawn, gwydrau yn malu bob munud a parti ieir yn sgrechian fatha ieir, o Donegal oedda nhw(Swyddogol yr acen fwyaf anheglur Gwyddelig i ddeall, swnio fatha Jim Mcdonald ar asid). Hefyd ar nos Wenar a nos Sadwrn swn i tybio mai'r clientele ydi'r hics lleol(I gyd efo cariadon Barbie Doll) a criwiau o stags sydd yn rhy feddw i fynd i fewn i glybiau nos(Mae'r bar ar agor tan 2). Ar ol gwaith nos Sadwrn roedd na dipyn o barti, yfad stwff fel poteli seidar oedd ddim yn gwerthu a cael gemau clecio 'shots' yn y bar. Charteus neu rwbath oedd o 55% rhywfath o Absinthe o Wlad Pwyl, wrth gwrs roedd rhaid i 'Wales' cymryd dau shot oherwydd ei fod yn newydd!!

Mynd i sinema heno, heb fod ers pum mlynadd dwi siwr fedraim cofio ta Blair Witch Project ta American Pie 2 fues i yn gwylio adeg hynny.

Mynd am dro

2006-10-06T14:31:00.000Z

Dydd Gwener yn barod, diwedd yr wythnos gwaith. Wel dim i fi megis dechrau hi, gweithio tan hanner di pedwar yn bora neithiwr, chydig yn hwyrach heno a nos fory mae'n debyg. Mae'rr busnas tylluan yma yn newydd i fi, dechrau meddwl fydd rhaid fi chwilio am rhyw swydd offis hefyd am chydig ddyddiau er mwyn i mi dalu'r rhent.

Roedd dydd Mawrth a dydd Mercher yma yn rhyfeddol o braf, felly roedd dim amdani ond mynd am dro. Pnawn dydd Mawrth es i ardal 'Salthill' yn Galway, ac wrth gerdded ar y prom gwelais fus Llew Jones International, plat cerbyd CX a boi yn siarad Saesneg efo acen Gogledd Orllewinol, doedd dim amdani ond mynd i gael gair efo fo. O Blaenau oedd o a roedd hi braf cael siarad rhyw pwt bach o Gymraeg, hyd yn oed os doeddwn ddim yn ei nabod. Dydd Mercher cymerais y bws i ardal prydferth Connemara ac i bentref bach Clifden. Mi darodd prydferthwch y lle fi yn syth, roedd yna elfennau tebyg i adra yno, ond hefyd roedd yn wahanol, llynoedd clir am filltiroedd a tai wedi dotio o gwmpas yn anghysbell. Yn Clifden(Pentref cardyn post go iawn) gefais blatiad blasus o cig oen a chydig o veg fud a rhaid mi ddeud na dyna ydi'r pryd gorau fi gael yma ers cyrraedd.

Hwyl am y tro.

Penwythnos Gwlyb

2006-10-02T15:20:00.000Z

Sdalwm, wedi symud o hostel rwan felly ddim yn gallu diweddaru hwn mor aml, ond lot wedi digwydd yn y diwrnodiau diweddaf. Wedi setlo i fewn i ty newydd, a di defnyddio peiriant golchi tro cyntaf ers rhyw bedair mlynedd.

Un peth dwi ddim yn hoffi am y lle ydi tywydd neu ddyliwn ddweud y glaw. Mae hi yn bwrw rhyw ben bob diwrnod yma, on i meddwl fo Cymru yn wael o rhan tywydd, ond dydi ddim yn stopio yn fama. Beth bynnag digon o gwyno, mae na lot o bethau da am y lle. Ges i lock in neithiwr tan 3, un o fanteision o weithio mewn bar. Yn y Bierhaus yn Galway fues i yn yfad cwrw megis Erdinger, Staropramen a Okoicha. Hefyd yn mwydro am bob dim dan haul efo locals dwi siwr bo fi di gaddo prynnu potal o Pochine at Dolig(Ydi o dal yn anghyfreithlon?). Mae Koppaberg yn ddiod uchel yn fama seidar o Denmarc ydi o i gael mewn dau flas sef Pear sydd yn 4.5% a mixed Berry sydd yn chwalfa pen o 7% cryf.

Wedi cael ambell sbel o hiraeth am adra a dwi dal yn breuddwydio am adra o hyd, gwelais trelar Ifor Williams gyna a nath hynny fy atgoffa o adref hefyd. Newydd cael e-bost gan yr hen Cai Tegfan yn deud fod o yn Cork, felly os ti darllen tyrd draw no handi am chydig o gwrw rhen foi

Lle i aros?!

2006-09-28T15:04:00.000Z

Dwi meddwl bo fi di cael lle o'r diwedd, dwi ddim am jinxio pethau wrth ddeud bo fi garantid di cael rwla!!. Symud i fewn i fflat estyniad yn ty perchennog y dafarn dwi gweithio ynddi, rhannu efo un Gwyddal arall mae'r perchennog yn nabod ers blynyddoedd. Dechrau cael cysylltiadau rwan, bobol yn galw 'Alright there Dillon' pam dwi gerddad fewn i'r dafarn. A rhai o'r cyd weithwyr yn son ei bod yn gwario ei cyflog yn y tri tafarn mae'r perchnogion bia oherwydd fanna mae'r 'craic' gorau. Dim byd ond ymwelwyr ochr arall i'r afon medda nhw(Swnio fatha Pen Llyn yn barod).

Wrth gwrs fyddai yn falch o adael yr hostel ond yn yr amser dwi di gyfarfod a chymeriadau lliwgar swn i byth wedi gyfarfod fel arall. Arwahan y rhai dwi di son yn barod wythnos yma dwi di gyfarfod boi o Canada oedd yn beicio ar hyd arfordir Iwerddon i gyd a backpack mawr ar ei gefn. Tri bachgen a tair merch o Awstria oedd yn Iwerddon yn arbennig am 'Match-making festival' yn Lisvoone neu rwla yn Werddon. Boi tacsi yn deud fod pob math o shenanigans yn mynd mlaen yn fanna dan 5 yn bora. A neithiwr nes i gyfarfod a dwy Eidales o ochrau Venice a gefais cyflawni uchelgais drwy ddeud 'No sono Inglese sono Gallese', gwych.

Ciao.

Oddi-ar y clwt

2006-09-26T13:35:00.000Z

Wel, dwi dal heb ffendio stafell eto sydd erbyn hyn braidd yn boen gan fy mod yn gwario dipyn ar aros yn yr hostel ac yn gorfod symud stafell yn aml, symud o stafell 6 gwely i 8 gwely mewn munud. Newyddion da ydi fy mod wedi cael gwaith. Gan fod hi yn ddiwrnod braf ddoe fe es i a'r CV o gwmpas gwestai a tafarnnau Galway ma, yn y lle olaf fues i gefais cynnig swydd a cychwynais...neithiwr. Fues wrthi yn brysur o 7 tan 1 neithiwr a gael rhyw ddrinc bach ar ol cau. Dwi meddwl bo na ddipyn o oriau yn ystod dydd hefyd yn cadw golwg ar y stoc a delio gyda'r bragdy. Nos Lun ydi'r noson fwyaf distaw a roedd neithiwr yn eithaf llawn, mae hi yn wallgof yno o nos Fercher ymlaen yn ol y staff eraill, dau dafarn ydi o mewn gwirionedd ychydig i lawr i gilydd ar y stryd ac mewn un o'r tafarnnau mae na siop ochr 'off licence' a un o rhybudd gyntaf a gefais oedd peidio gwerthu mwy na dau botal o Buckfast i neb a gofyn am ai di i rhywun sydd yn edrych o dan 25!!!.

U stori bach ddiddorol o ddoe, wrth fynd am dro ar y stryd gwelais cerbyd 'Securicor' yn mynd ar ei taith bore Llun yn gwagio'r banciau, dim byd arbennig medda chi. Heblaw fod yna Land Rover Armi, car Gardai a 5, ia 5 o filwyr byddin Iwerddon gyda gynnau yn gwarchod y cerbyd. Dwi meddwl fod y tryc yn ddigon saff!!. On i meddwl fy mod yn rhyw wladwriaeth milwrol am chydig.

Bora Sul yn barod

2006-09-24T10:44:00.000Z

Wel dwi dal yn yr hostel yma, dwi'n teimlo fatha bo fi yn byw yma yn barahol rwan. Di cyfarfod pobol diddorol iawn yma fel Sbaenwr yma oedd ddim yn ymwybodol fod na ffasiwn le a Cymru, mae o'n gwbod rwan, nid oedd yn dallt am pam doeddwn ddim yn lecio'r frenhiniaeth chwaith. "But son of queen is Charles of Wales, you don't like?" medda fo gyda golwg reit perplexed. Hen foi iawn fud mae o ai gariad yn chwilio am le i aros fud. Dwi'n dyheu am le fy hun. Dwim di gallu gwrando ar fy CD's ers pythefnos bron. Swn i wrth fy modd gwrando ar y 3CD caneuon Brocyn a gefais yn presant cyn mynd. Ma na jukebox yn fama a mi ddoth Eagles - New Kid in Town ymlaen gyna, teimlo reit brocyn ond uffar o gan dda ddo.

Wedi cael wsos hegar o yfad a sbort efo'r hen Stwmp neu 'Auschwitz' fel nath un o Wyddelod ei alw. Nos Iau natho ni gyfarfod dau foi o Gaerdydd oedd draw ar daith o Iwerddon, gafon ni ychydig o rownds a aethon draw i aros am hanner awr i fynd fewn i glwb oedd yn llawn gyda 1,200 o bobol . Roedd un o'r Cardiffians yn siarad gyda'r hogan ma a munud nesaf fe chwdodd ar ei ben o, cradur. Neithiwr dal yn teimlo reit simsan ar ol yfad ond es allan beth bynnag gan fod hi yn nos Sadwrn a cyfarfod a merched cyfeillgar o Ddulyn oedd draw am y penwythnos.

O ia bron a anghofio roedd gan Stwmp a fi awydd mynd i Connemara dydd Gwener, felly aethon ar fws coch yr hostel(Wel beth oedda ni feddwl oedd bws coch yr hostel, ond nid dyna oedd o ond bws ysgol o'r Almaen, daeth un o'r merched draw a deud fod ni ar ei bws nhw, wpa des Wynff!!!)

Un cam ymlaen, tri yn ol

2006-09-21T15:14:00.000Z

Mae hi heddiw yn naw diwrnod ers fi gyraedd yma, mae'r tywydd wedi troi mae hi yn tywallt y glaw a adeg hyn wythnos diweddaf oeddwn i meddwl fy mod wedi cael stafell. Ond ar ol gaddo a chytuno a'r blaendal aeth y person yn ol ar ei air. A felly ffendias fy hun yn aros yn y glaw dydd Mawrth i brynnu papurau hysbysebion y 'Galway Advertiser'. Dwi bellach wedi ffonio 50 o lefydd ers wythnos a wedi ymweld a 10 lle, dros y ddau ddiwrnod diweddaf yn ganol glaw o un ochr i'r ddinas i'r llall, gan ganfod weithiau fod y stafell wedi mynd rhwng ffonio a cyrraedd yno. Dydi 'soul destroying' ddim yn disgrifio hanner hi. Ges i gynnig lle pnawn ma mewn cwt yn ganol safle adeiladu yn rhannu efo o leiaf 4 o Ddwyrain Ewrop, efo teledu du a gwyn a dodrefn o'r tridegau. Roedd 'dump' yn air rhy hael am y lle yma. Cario mlaen i chwilio fydd hi felly.

Yn ogystal dwi di bod allan y ddau ddiwrnod diweddaf a heno hefyd gan fod yr ymwelydd sychedig draw. Nos Fawrth mi oeddan yn yfad tequilla efo rhyw bobol random ac ar ein ffordd gyda dau arall i rhyw barti ar gyrion y ddinas, ond erbyn y tacsi gyrraedd doedd y Gwyddal yn y ffrynt ddim yn cofio y cyfeiriad. Mae yr ymwelydd yn treulio ei ddyddiau yn darllen 'The Guv'nor' gan Lenny Mclean. Allan heno i fod gyda genethod oedd yn ffrindiau efo'r boi nath addo y stafell i fi, dylai fod yn ddiddorol

Blydi Social!!

2006-09-18T17:56:00.000Z

Heddiw dwi di bod yn trio cael rhif PPS i weithio yma yn Iwerddon, es draw i swyddfa sydd yn rhoi nhw allan a mi oedd na sustem dicedi a oedi am hir cyn gweld rhywun. Pan ges i weld rhywun rhyw 'Cockney' surbwch a oedd yn edrych fatha fysa fo yn gymeryd bwlet i rhoi taw ar y cwbl mewn dau funud. Dim Gwasanaeth gyda gwen i'r cyhoedd ganddyn nhw

Mi ges y ffurflen yn diwedd a fydd rhaid cael prawf o 'residency' a rhyw geriach yn no fuan. Newydd cael galwad gan feddwyn o Ben Llyn sydd yn cyraedd fory tua amser cinio, di cael wicend reit hegar medda fo, ond edrych ymlaen yn arw am ymweliad.

Gorfod mynd fama yn cau rwan

Ffeinal y ffwtbol

2006-09-17T19:06:00.000Z

Wedi bod yn gwylio Kerry yn erbyn Mayo yn ffeinal yr 'All Ireland'. Rhaid mi gyfaddef don i gwybod fawr am pel-droed Gaelic cyn cyrraedd ond ar ol gweld yr holl fflagiau coch a gwyrdd Mayo sydd o gwmpas ar holl gynnwrf es i weld y gem. Roeddwn i wedi pendroni pam fod bobol Galway yn cefnogi ei gymdogion Mayo, tan i mi gael gair efo rhyw foi lleol neithiwr a ddudodd mai'r ffaith fod Kerry yn rhywfath o Chelsea o'r byd ffwtbol Gaelic yr oedd o yn bennaf. Mi oedd y boi yma, dipyn o 'barfly' yn gwybod ychydig o Gymraeg hefyd "Rwy'n hoffi Sbaen" udodd o di glywad o yn 1980 medda fo pan oedd Cymru draw yn chwarae rygbi, roedd o hefyd yn meddwl fod Pobol y Cwm yn rhaglen plant(Dim llawer oi le felly nag oedd)

Eniwe golli fu hanes Mayo heddiw, ond fydd y tafarnnau a clybiau fam yn llawn heno eto, mae nhw deud mai nos Sul ydi'r nos Sadwrn newydd.

Ffendio stafell

2006-09-16T10:14:00.000Z

Di bod ers rhyw dri diwrnod yn ceisio ffendio ystafell i fyw ynddi. O'r rhestr mawr o eiddo, nes i ffonio rhwng 20 a 30 o lefydd. Erbyn i mi ffonio llawer o rhain di mynd. Es i weld un nos Fercher, lle bach iawn yn canol y ddinas a dydd Iau es i ar draws y ddinas i gyd i weld bedair lle. Wedi sylwi fod y Gwyddelod yn siarad yn cyflym(fatha fi), felly anodd iawn ar adegau darganfod beth oeddan nhw yn ei ddweud ar y ffon. Un o bobol yn meddwl mai person o wlad Pwyl oeddwn i, ond llawer iawn yn adnabod yr acen oherwydd Glyn Big Brother, a pawb yn gofyn os oeddwn yn byw yn agos iddo fo!!

Mae'r tai bellach lawr i ddau, ar ol fi gael negesuon i ddweud bo nhw di mynd. Yn ardal Salthill mae'r ddau gyda golygfa gwych o'r mor. Ond mi fyddai yn fama am ychydig ddyddiau eto gan fod na ymwelydd sychedig o Pen Llyn isio "4 all-dayar" yn cyrraedd dydd Mawrth.

Neithiwr gwelais rhai o dim rygbi Llanelli allan yn yfad, reit swreal deud gwir roeddan nhw yn ffilmio dau dramp hanner noeth yn dawnsio o flaen un o fandiau'r stryd. Ond mae di bod yn rhyw wythnos swreal fud

Dal yn gweithio??!!

2006-09-15T15:17:00.000Z

Dwi meddwl bod na rwbath yn bod ar hwn dio gau postio yn iawn.

Test bach di hwn

Fatha U.N ma (Wedi ei bostio 14/09/2006)

2006-09-15T15:12:00.000Z

Dwi dal yma yn yr hostel ac yn joio mas draw. Mae na bobol o bobman yn y byd yma, dwi yma yn fy nghrys Cymru yn ganol nhw. Dwi di clywad lot o Almaeneg, Ffraneg a Sbaeneg yma. Fues yn chwarae pwl gyda boi o Hawaii(Oedd yn uffernol o debyg i Dafydd Wyn pan oedd ganddo fo y goatee). Tra yn gwylio hanner cyntaf gem Celtic a Man-Utd neithiwr(Be oedd sgor gyda llaw 2-2 welis i ddwytha) nes i gyfarfod a cwpl o Patagonia a roeddan nhw di clywad am y wladfa hefyd. Dwi rhannu stafell ar hyn o bryd efo dwy Almaenes, a mi es allan efo hwy neithiwr am ddiod bach, uffar o sbort i gael efo nhw mae nhw yn ffans mawr o gerddoriaeth a dwi di ysgrifenu lawr bandiau Cymraeg iddynt wrando ar y we. Deud gwir ma pawb yma di bod yn gyfeillgar iawn, llawer iawn rhun sefyllfa a fi yn chwilio am le i aros a gwaith.

Son am le i aros mi roedd na rhes hir yn ymgynull tu-allan i swyddfeydd y 'Galway Advertiser' dim ond i dalu 2 ewro am ddarn o bapur efo manylion llety arno, es i draw wedyn, ond ar ol ffonio 20 o wahanol lefydd llawer di mynd a dim ateb. Gwell lwc heddiw gobeithio gyda nifer o lefydd ar gyrion y ddinas. Mi oedd na hefyd uffar o rhes hir o tua 100 o bobol yn aros i fynd i fewn i trydydd clwb nos fwyaf Galway sef Cuba ar nos Fercher!!!!

Gadael, mynd a cyrraedd

2006-09-12T18:32:00.001Z

Wel, dwi di gyrraedd Galway ma o'r diwedd ar ol diwrnod o drafeilio efo car, tren, cwch, tren a bws!!. Fuodd i lwcus iawn fi ddal un o'r trenau fud gan fod y drws yn cau. Anodd coelio fy mod wedi cyraedd fud ar ol yr holl planio a ymchwilio. Wedi gweld lot o bentrefi bach o deithio o Ddwyrain i Gorllewin Iwerddon heddiw a phob un efo tafarn neu ddwy o leiaf.

Ges i bangar o penwythnos ffarwel dda hefyd, digon da fel mod yn dechrau ail feddwl am aros, ond barahodd hynny ddim yn hir. Ges i andros o noson dda yn Nhy Newydd nos Wener, efo gig dda iawn a wedyn all-dayer i goroni'r cyfan o amgylch tafarndai Pen Llyn (I chi sydd a diddordeb yn yr itineary, Fic, Sports, Nan, Leion, Ty Newydd Aberdaron a Sarn, Meitar, Penlan a Bleu). Braf gweld lot o wynebau cyfarwydd a 'send off' gyda'r gorau(Pawb isio lle aros mae siwr).

Reit dwi mynd am beint rwan dwi meddwl bo fi di haeddu fo, mae siwr fydd rhaid prynnu bwyd fory a newid yr hen ffon ma am rhif Gwyddelig ymysg pethau eraill + mae na rhai sbio reit gas yn yr hostel ma isio go ar yr internet

Testio

2006-09-06T12:51:00.000Z

Neges bach i weld os dio'n gweithio